Sigrún Þorleifsdóttir, Dúna í Burkna, tendraði ljósin á jólatrénu á Thorsplani 15 mínútur fyrir kl. 7 á föstudag en þá var jólaþorpið opið í tvo klukkutíma.
Bæjarbúar fylltu Thorsplanið, hlýddu á tónlist og ávörp áður en það hentaði einni sjónvarpsstöðinni að tendrað væri á jólatrénu. Jólatréð stóð glæsilegt á miðju torginu og börn og fullorðnir heilluðust af glitrandi ljósunum sem er eitt tákn þess að jólin eru framundan.
Jólasveinar tóku forskot á sælunu og glöddu börnin með komu sinni.
Í jólahúsunum er fjölmargt til sölu bæði matarkyns og hvers konar jólaskraut og varningur en opið er í jólaþorpinu kl. 12-17 um helgar til jóla.
Verslunarmiðstöðin bauð upp á flugeldasýningu á Strandstígnum og tæmdist jólþorpið er fólk fór að fylgjast með.
