Áhorfendabekkir í körfuboltahús dýrari en kostnaðaráætlun gerði ráð fyrir

Ólafssalur er nýjasti íþróttasalurinn í eigu Hafnarfjarðarbæjar

Umhverfis- og framkvæmdaráð hefur samþykkt að ganga til samninga við lægstbjóðendur, Sport-tæki ehf. um  kaup og uppsetningu á áhorfendabekkjum í nýja körfuboltahúsi Hafnarfjarðarbæjar á Ásvöllum.

Aðeins verður samið um lið 1-4 sem eru stólar meðfram langhlið vallarins

Tilboð Sport-tæki ehf. í lið 1-4 er 12,4% yfir kostnaðaráætlun.

Kostnaðaráætlun hljóðaði upp á 64.350.000 kr. fyrir tilboðsliði 1-8, 58.550.000 kr. fyrir tilboðsliði 1-6 og 39.650.000 kr. fyrir tilboðsliði 1-4.

Verkið fellst í hönnun, afhendingu, uppsetningu og fullnaðarfrágangi á útdraganlegum áhorfendabekkjum/stólum í samræmi við útboðsgögn.

Eftirfarandi tilboð bárust:

Stálflex ehf.

Samtals tilboðsliðir 1-4: 49.177.684,-
Samtals tilboðsliðir 1-6: 68.395.756,-
Tilboðsliðir 7 og 8: 4.640.000,- með fyrirvara um að hönnun er ekki innifalin í tilbosðlið 8

Altis ehf.:

Samtals tilboðsliðir 1-4: 60.854.086,-
Samtals tilboðsliðir 1-6: 92.251.656,-
Samtals tilboðsliðir 1-8: 94.897.401,-

Sport-tæki ehf., tilboð nr. 1:

Samtals tilboðsliðir 1-4: 44.558.665,-
Samtals tilboðsliðir 1-6: 67.292.203,-

Sport-tæki ehf., tilboð nr. 2:

Samtals tilboðsliðir 1-4: 44.793.690,-
Samtals tilboðsliðir 1-6: 67.516.477,-

Knattspyrnufélagið Haukar óskuðu eftir því í bréfi til bæjarráðs 10. ágúst að keyptir yrðu áhorfendabekki í salinn svo hægt væri að keppa í salnum og losna alfarið við að fá harpix í salinn.

Aðeins verða keyptir bekkir meðfram langhliðum vallarins

Ummæli

Ummæli