fbpx
Fimmtudagur, janúar 27, 2022

3,6 milljarða króna risaframkvæmd í hjarta Hafnarfjarðar

Framkvæmdir munu hefjast við stækkun verslunar­mið­stöðvarinnar Fjarð­ar að Strand­götu á þessu ári. Samningar um fjármögnun er tryggður að sögn Guðmundar Bjarna Harðarsonar, fram­kvæmda­stjóra Fjarðar.

Guðmundur Bjarni Harðarson, framkvæmdastjóri Fjarðar

Að hans sögn er vinna við hönnun í fullum gangi og hefur Sigurður Guðmundsson, verkfræðingur hjá Strendingi verið ráðinn verkefna­stjóri. Er áætlað að framkvæmdum muni ljúka á tveimur árum.

Ásýnd eftir Suðurgötu í suðurátt

Mun þetta breyta ásýndinni við Strandgötuna mikið enda hefur gatið, sem myndaðist þegar Hafnarfjarðarbíó og Kaupfélagshúsið voru rifin, verið lengi og nánast orðið hluti af miðbæjarmyndinni. Verslunum mun fjölga, Bókasafn Hafnar­fjarðar/marg­miðlunarsetur, flytur í húsið og á efri hæðunum verður blanda af íbúðum og hótel­búðum­. Nýbyggingin er alls um 8.000 m² og í húsinu verður stór mat­vöruverslun og verslunarrýmum mun fjölga á jarðhæð. Þá verður áhugaverður almenningsgarður á þaki 1. hæðar.

Ásýnd meðfram Hafnarborg í norðurátt

Jólaverslunin gekk gríðarlega vel

Að sögn Guðmundar Bjarna gekk jóla­verslunin mjög vel í Firði. Mjög líflegt var í verslunarmiðstöðinni og stöðugur straumur fólks í miðbænum þrátt fyrir risjótt veður á köflum. Segist hann líta björtum augum á fram­tíðina og segir að miðbærinn eigi eftir að eflast með stækkun Fjarð­ar og tengingu hans við Strandgötuna.

Ummæli

Ummæli

Tengdar fréttir

Fylgjstu með

3,320AðdáendurLíka við
53FylgjendurFylgja
0áskrifendurGerast áskrifandi
- Auglýsing -spot_img

Nýjustu greinar