21 ökumaður sektaður fyrir of hraðann akstur við Setbergsskóla

Sá sem hraðast ók mældist á 57 km hraða

Mældur var hraði bíla sem ekið varnorður Hlíðarberg.

Brot 21 ökumanns var myndað í Hlíðarbergi í Hafnarfirði 6. september sl. Fylgst var með ökutækjum sem var ekið Hlíðarberg í norðurátt, við Setbergsskóla. Ómertur bíll var staðsettur í rútustæði gegnt Setbergsskóla.

Á einni klukkustund, eftir hádegi, fóru 100 ökutæki þessa akstursleið og því ók um fimmtungur ökumanna, eða 21%, of hratt eða yfir afskiptahraða.

Meðalhraði hinna brotlegu var 42 km/klst en þarna er 30 km hámarkshraði. Sá sem hraðast ók mældist á 57.

Hálfskýjað og þurrt var á meðan hraðamælingunni stóð.

Ómerkti bíllinn var í útskotinu sem glitti í, vinstra megin á myndinni.

Átak við grunnskólana

Frá því að grunnskólar á höfuðborgarsvæðinu tóku aftur til starfa í síðasta mánuði hefur lögreglan verið með aukið eftirlit við skólana í umdæminu og þar sem þekkt er að börn þurfi að þvera veg til að komast til og frá skóla, en meðal annars hefur verið notast við ómerkta lögreglubifreið með hraðamyndavélabúnaði við eftirlitið.

Fram að þessu hefur hraðamyndavélin skráð 419 hraðakstursbrot þar sem ökumenn mega búast við sekt og í sumum tilfellum verða sviptir ökuleyfi.

Á þessum stöðum, þar sem leyfður hámarkshraði er 30, hefur meðalhraði hinna brotlegu verið 44 km/klst. Við fyrrnefndar hraðamælingarnar hefur enn fremur 45 ökutækjum verið ekið á 50 km hraða eða meira, en sá sem hraðast ók mældist á 69. Nokkur önnur dæmi voru jafnframt um ökumenn sem óku á meira en tvöföldum leyfðum hámarkshraða.

Niðurstaðan sýnir að ökumenn verða að gera betur og því er full ástæða til að minna þá á að aka hægar og sýna meiri tillitssemi í námunda við skólana þar sem margir eru á ferli, m.a. nýir vegfarendur sem voru að hefja skólagöngu.

Allir ættu að geta fallist á mikilvægi þess að leyfður umferðarhraði sé virtur í kringum skólana og við þær leiðir sem börnin okkar nota til að komast til og frá skólum og frístundastarfi. Virðum rétt þeirra – virðum hámarkshraða, segir í tilkynningu frá lögreglunni.

Ummæli

Ummæli