Hvatningarverðlaun Markaðsstofu Hafnarfjarðar verða veitt á þriðjudag

Fulltrúar Íshúss Hafnarfjarðar sem hlaut fyrstu hvatningarverðlaun MSH árið 2017, Díana Margrét Hrafnsdóttir, Fjóla Eðvarðsdóttir, Ólafur Gunnar Sverrisson og Anna María Karlsdóttir ásamt Karli formanni stjórnar MSH

Markaðsstofa Hafnarfjarðar afhendir hvatningarverðlaun sín í fjórða sinn á þriðjudaginn í Hafnarborg kl. 17.

Verðlaunin verða veitt fyrirtæki, félagi eða einstaklingi sem lyft hefur bæjaranda Hafnarfjarðar með starfsemi sinni og athöfnum og þannig gert bæinn að betra samfélagi.

Fyrir afhendingu mun Bjartur Guðmundsson, leikari og sérfræðingur í árangurs- og ánægjufræðum, flytja fyrirlestur um jákvætt hugarfar.