Haustmessa í Krýsuvíkurkirkju

Krýsuvíkurkirkja - Mynd aðsend

Haustmessa í Krýsuvíkurkirkju næsta sunnudag kl. 14

Hin árlega haustmessa verður haldin í Krýsuvíkurkirkju sunnudaginn 18. september kl. 14.

Sr. Jónína Ólafsdóttir, sóknarprestur í Hafnarfjarðarsókn, messar og Guðmundur Sigurðsson leikur á orgel og Þórunn Vala Valdimarsdóttir syngur.

Við lok messu verður Upprisa, altaristafla Krýsuvíkurkirkju eftir Svein Björnsson tekin niður og flutt í Hafnarfjarðarkirkju þar sem hún á sér veturstað í kirkjuskipinu. Eftir messuna er boðið til kirkjukaffis í Sveinshúsi en þar stendur yfir málverkasýning á verkum Sveins Björnssonar sem nefnist Konan mín.

Í Hafnarfjarðarkirkju verður sama dag messa kl. 11 að venju, en það er uppskerumessa þar sem Kvenfélag kirkjunnar mun selja grænmeti. Allur ágóði rennur í líknarsjóð kirkjunnar.

Ummæli

Ummæli