Sterkari saman

Valdimar Víðisson skrifar

Valdimar Víðisson

Kennsluhættir nútímans kalla á fjölbreytileika, samstöðu og samvinnu. Rannsóknir benda til að allt skólastarf verður skilvirkara og betra með þessa þætti að leiðarljósi.

Hér í Hafnarfirði eru góðir leik- og grunnskólar sem geta orðið enn betri með samstilltu átaki allra aðila. Við í Fram­sókn og óháðum viljum efla sam­starfið og samvinnuna milli skólastiga/skólafólks. Hafnar­fjörður er eitt skóla­samfélag sem skiptist upp í nokkur hverfi. Eins og staðan er í dag þá erum við ekki að læra nógu mikið af hvert öðru.

verfasamfélögin og skólarnir innan hverfanna verða þá eins og eyland. Við þurfum að nýta betur mannauðinn sem starfar innan skólanna til að efla okkur áfram í starfi. Mikilvægt að staldra við og skoða á hvaða vegferð við erum. Hvert erum við að stefna?

Mörg verkefni sem hafa tekist vel eins og læsisverkefnið í leik- og grunn­skólum, spjaldtölvuinnleiðingin sem farin er af stað, greining á álagsþáttum hjá grunnskólakennurum svo fátt eitt sé nefnt. En það er ekki alltaf hægt að bæta bara við verkefnum, við þurfum einnig að skoða heildarmyndina, hægja aðeins á og átta okkur á því hvað skiptir raunverulegu máli. En það er að öllum líði vel, nemendum og starfs­mönn­um þarf að líða vel inn­an leik- og grunnskóla og foreldrar þurfa að vera sáttir með skólana.
Náum góðri og öflugri sam­stöðu um skólana. Drögum úr álagsþáttum og einbeitum okkur að því að nemendum líði vel. Vel­líðan barna er forsenda fyrir því að barnið geti lært, taki framförum og eflist og þroskist sem einstaklingur.

Saman getum við í Hafnarfirði verið með öflugustu leik- og grunnskóla lands­ins. Við í Framsókn og óháðum viljum að Hafnarfjörður setji sér það markmið að við verðum í fremstu röð skólasamfélaga landsins. Við erum sterkari saman.

Valdimar Víðisson, skólastjóri Öldutúns­skóla
og skipar 2. sætið hjá Framsókn og óháðum.

Ummæli

Ummæli