Fyrir alla landsmenn

Bryndís Haraldsdóttir og Kristín Thoroddsen skrifa

Bryndís Haraldsdóttir og Kristín Thoroddsen

Þegar horft er til framtíðar er mikil­vægt að líta á staðreyndir dagsins. At­vinnuleysi er hverfandi, kaupmáttur hefur aukist og verðbólga verið undir viðmiði Seðlabankans í tæp fjögur ár. Þá má ekki gleyma að skuldir og vextir hafa lækkað verulega. Sóknartækifærin eru því fyrir hendi til að bæta lífskjör allra og styrkja innviði samfélagsins fyrir alla landsmenn án lántöku og skattahækkana.

Lækka álögur á alla landsmenn

Það er á þessum grunni sem Sjálf­stæðisflokkurinn vill halda áfram og lækka álögur á fólk og fyrirtæki m.a. með lækkun tekjuskatts og lækkunar á tryggingargjaldi. Vegna skynsamlegrar stjórnunar ríkisfjármála og góðrar stöðu þjóðarbúsins er hægt að ráðast í umsvifamiklar fjárfestingar á innviðum samfélagsins. Gott Heilbrigðiskerfi þarf að styrkja enn frekar og efla þá þjónustu sem kallað er eftir í sam­félaginu eins og í geðheilbrigðismálum. Auka þarf jafnframt fjármagn til sam­göngumála en sá málaflokkur skiptir okkur öll máli, hvort sem það er hér á höfuðborgarsvæðinu eða utan þess. Góðar samgöngur eru forsendur fyrir öflugri atvinnuþróun um land allt.

Byggjum á frelsi

Það er til mikils að vinna að halda áfram á þessari leið þar sem grunnurinn að góðri og farsælli framtíð liggur í stöðugleika og tækifærum. Sjálfstæðis­flokk­urinn byggir á frelsi fólksins, frum­kvæði og dugnaði og á þeim grunni horfum við til framtíðar fyrir alla landsmenn.

Bryndís Haraldsdóttir,
alþingismaður og skipar 2. sætis á lista Sjálfstæðisflokksins í Suðvesturkjördæm 

Kristín Thoroddsen,
varaþingmaður og skipar 7. sætið á lista Sjálfstæðisflokksins í Suðvesturkjördæmi.