fbpx
Laugardagur, febrúar 24, 2024
HeimFréttirVíða allt á floti en ekki eins slæmt og búast mátti við

Víða allt á floti en ekki eins slæmt og búast mátti við

Skítugum snjó sturtað við Hvaleyrarvatnsveg

Mikill viðbúnaður hefur verið hjá mörgum vegna asahlákunnar sem kom í dag og mikillar rigningar. Mikið af þeim viðbúnaði hefur komið til góða því að sögn Guðjóns Steinars Sverrissonar hjá Hafnarfjarðarbæ hefur ástandið verið betra en búast mætti við í svona tíð. Segir hann alltaf ákveðna staði vera til vandræða en þrátt fyrir ýmsar aðgerðir er sífellt vandamál á Ásbrautinni báðum megin við hringtorgið við Flugvelli.

Þar var Ásbrautinni lokað fyrir umferð eins og oft áður en vegurinn liggur lágt og með háa kanta þannig að vatn kemst hvergi ef niðurföll hafa ekki undan.

Reyndar er vatnselgurinn á Völlunum svo mikill að safntjörn við Ástjörn er yfirfull og grútskítugt yfirborðsvatnið streymir beint út í Ástjörnin þó reikna megi með að eitthvað af sandinum falli til botns í safntjörnina.

Starfsmenn bæjarins og verktakar hafa verið að moka snjó víða úr íbúðagötum þar sem vatnselgur myndaðist og er honum ekið á svæði við Kaldárselsveg ofan Valla. Þetta var líka gert í fyrra og þegar þiðnaði mátti glöggt sjá hversu mikið drasl fylgdi snjónum sem annars hefði farið sjóinn hefði snjónum verð sturtað þangað.

Ljósmyndari Fjarðarfrétta kíkti á nokkra staði með myndavélina eftir hádegið í dag.

Ummæli

Ummæli

Tengdar greinar
- H1 -

Nýjustu greinar

H2