Stefán Eiríksson Andersen, þrítugur maður lést í fallhlífarstökki í Si Racha á austurströnd Tælands sl. laugardag, 1. febrúar.
Stefán var við fallhlífarstökk ásamt félögum sínum er hann hrapaði til jarðar úr um 30-45 m hæð. Allt hafði gengið skv. áætlun í stökkinu þar til stuttu fyrir lendingu er Stefán virðist hafa tekið sveig sem varð til þess að fallhlífin flæktist og hann hrapaði. Ekki er vitað um ástæðu þess að hann tók þennan sveig en jafnvel talið að hann hafi gert það til að forðast árekstur við félaga sinn. Stefán var vanur fallhlífarstökkvari og hafði búnaður hans verið yfirfarinn fyrir stökkið.
Meiðsli Stefáns voru mikil og lést hann á leið á sjúkrahús.
Faðir Stefáns er Eiríkur Hjörtur Andrésson úr Hafnarfirði en móðir hans, Marianne Nygaard er dönsk. Stefán var einn þriggja barna þeirra hjóna sem bjuggu í Kalundborg í Danmörku en komu mikið til Íslands.
Stefán fæddist 4. júní 1989 í Danmörku.
