Tekið við garðaúrgangi á hreinsunardögum

Dagana 21. – 24. maí nk. standa yfir hreinsunardagar í Hafnarfirði en þá geta íbúar losað sig við garðaúrgang í gám við grunnskóla hverfisins.

Gámarnir verða við skólana frá kl. 17 föstudaginn 21. maí til loka dags mánudaginn 24. maí. Íbúar í Hafnarfirði eru hvattir til að nýta sér þjónustuna eða koma pokunum beint á Sorpu.

Þarf að losa garðaúrganginn úr pokum í gáminn

Bent er á að ekki má setja garðaúrganginn í pokum í gáminn heldur skal losa úr pokunum beint í gáminn.

Hvatt til moltugerðar í heimagarðinum

Tilvalið er einnig, þar sem möguleikinn er fyrir hendi, að safna garðaúrgangi í safnhaug á góðum stað í garðinum og nýta til moltugerðar. Íbúar í öllum hverfum Hafnarfjarðar eru hvattir til að taka virkan þátt í hreinsuninni.

Ummæli

Ummæli