Fær 2,1 milljón kr. úr Endurmenntunarsjóði grunnskóla

Skólaskrifstofa Hafnarfjarðar hefur fengið styrk að fjárhæð 2,1 milljón króna úr Endurmenntunarsjóði grunnskóla en sjóðurinn tilkynnti úthlutun á 44,7 milljónum kr. til 203 verkefna.

Úthlutað er til sex hafnfirskra verkefna og samsvarar upphæðin til 117 klukkustunda hið minnsta til verkefnanna.

Þau eru:

  1. Forvarnir og úrræði í skólastarfi sem lífsleikni
  2. Kennsla nemenda með sérþarfir
  3. Heilsuefling og mannauður
  4. Grunnhæfni í lestri og stærðfræði
  5. Tvítyngi og kennsla flóttamannabarna/hælisleitenda
  6. UT starfssamfélög og spjaldtölvukennsla.

Skólaskrifstofunni er falið að taka endanlega ákvörðun um ráðstöfun styrksins og að forgangsraða þeim verkefnum sem styrkurinn er veittur til.

Gert er ráð fyrir að verkefnunum sé lokið í lok skólaársins 2016-2017, í síðasta lagi.

Ummæli

Ummæli