Tvö einbýlishús og tvö parhús þar sem leikskólinn Kató var

Þar sem leikskólinn Kató/Brekkuhvammur stóð á að byggja 2 raðhús og 2 einbýlishús

Skipulags- og byggingarráð samþykkti á fundi sínum í morgun að unnið verði deiliskipulag fyrir lóðina Hlíðarberg 10 sem geri ráð fyrir tveimur parhúsum og tveimur einbýlishúsum skv. tillögum Urban-arkitekta.

Skv. því verði leitast við að leysa bílastæðamál innan lóðar og taki mið af stærð íbúða.

Lóðin nr. 10 þar sem byggja á er á miðri myndinni.

Tillaga Urban-arkitekta gerir ráð fyrir fjórum lóðum, 520 og 525 m² lóðum undir 169 m² íbúðir með nýtingarhlutfall um 0,45 og 566 m² og 667 m² lóðum undir tvíbýli/parhús 338 og 353 m² að stærð með nýtingarhlutfall 0,53 og 0,6. Samtals eru þetta 2.278 m² en núverandi lóð, Hlíðarbraut 10 er 1.138 m² að stærð. Mismunurinn liggur í að ný lóð verður til þar sem nú er aðkoma, bílastæði og fl. eins og sjá má á myndinni hér að ofan. Ekki er minnst á þessa lóð í fundargerð skipulags- og byggingarráðs.

Núvernadi hús á lóðinni er 296 m² á einni hæð.

Tillaga A sem nota á sem grunn að gerð nýs deiliskipulags.

Töluverð mótmæli urðu þegar leikskólastarfi var hætt í húsnæðinu sem þarna stendur en það var byggt til að taka við leikskólastarfi sem áður hafði verið í Kató við Suðurgötu.

Leikskólastarf var starfrækt þar um langan tíma undir merkjum Kató en var svo sameinað starfsemi leikskólans Brekkuhvamms sem nú og áður heitir Smáralundur.

Fullyrt var af andstæðingum lokunarinnar, að hún væri vegna þess að þarna ætti að byggja en þeim fullyrðingum var á þeim tíma hafnað af yfirvöldum.

Ummæli

Ummæli