Sex vilja verða forstjórar Hafrannsóknarstofnunar

Tveir sviðsstjórar stofnunarinnar og forstjórinn vilja stöðuna

Bjarni Sæmundsson var smíðað fyrir Hafrannsóknarstofnun 1970 en Árni Friðriksson var smíðaður árið 2000.

Alls bárust sex umsóknir um embætti forstjóra Hafrannsóknarstofnunar sem auglýst var þann 19. desember 2020 en umsóknarfrestur rann út þann 19. janúar sl.

Umsækjendur eru:

  1. Guðmundur J. Óskarsson, sviðsstjóri
  2. Guðmundur Þórðarson, sviðsstjóri
  3. Marcin Zembroski, sérfræðingur
  4. Sigurður Guðjónsson, forstjóri
  5. Soffía Guðmundsdóttir, framkvæmdastjóri
  6. Þorsteinn Sigurðsson, sérfræðingur

Birtir eru nýjustu starfstitlar umsækjenda samkvæmt umsóknargögnum.

Guðmundur Óskarsson, Guðmundur Þórðarson og Sigurður Guðjónsson

Þrír umsækjendanna eru starfandi hjá Hafrannsóknarstofnun, Sigurður Guðjónsson forstjóri stofnunarinnar, Guðmundur J. Óskarsson, sviðsstjóri uppsjávarsviðs og Guðmundur Þórðarson, sviðsstjóri botnsjávarsviðs.

Kristján Þór Júlíusson, sjávarútvegs- og landbúnaðarráðherra, skipar í stöðuna frá og með 1. apríl 2021. Ráðherra mun skipa nefnd sem verður falið að meta hæfni umsækjenda og skila greinargerð um þá.

Ummæli

Ummæli