Samfylkingin fellir meirihlutann skv. skoðanakönnun

Bæjarlistinn missir sinn bæjarfulltrúa

Hafnarfjörður

Samfylkingin eykur fylgi sitt um 52% frá síðustu kosningum ef marka má könnun Prósents sem Fréttablaðið birti í morgun.

Sjálfstæðisflokkurinn er þó áfram stærsti flokkurinn með 34% sem er óbreytt frá síðustu kosningum en tapa manni þar sem flokkurinn græðir ekki lengi á d’Hont reglunni sem færði flokknum tvo bæjarfulltrúa umfram raunverulegt fylgi.

Nú er það hins vegar Samfylkingin sem græðir á reiknireglunni og fær 4 bæjarfulltrúa og 31% fylgi, einum fulltrúa umfram raunverulegt fylgi.

Samfylkingin gæti skv. þessari könnun myndað meirihluta með Viðreisn og Pírötum en Miðflokkurinn, Bæjarlistinn og Vinstri græn ná ekki inn manni skv. þessari könnun.

Fylgi flokkanna skv. könnuninni

Missir Miðflokkurinn um helming af fylgi sínu og VG missir um 40% af sínu fylgi en heldur sínum manni. Bæjarlistinn missir um 35% af sínu fylgi og tapar sínum manni.

Píratar halda hins vegar sínu fylgi en ná inn manni sem sýnir hvað atkvæðamagn þarf lítið að hreyfast til að niðurstöðurnar breytist verulega.

Könnunin var net­könnun fram­­kvæmd 3. til 10. maí. Úr­­takið var 680 ein­staklingar og svar­hlut­­fallið 50,5 prósent.

Tölu­verður fylgis­munur mælist í póst­númerunum tveimur. Sjálf­stæðis­flokkurinn er með 45 prósenta fylgi á Völlunum, það er í póst­númeri 221, en að­eins 25 prósent í 220. Sam­fylkingin mælist aftur á móti með 36 prósent í póst­númeri 220 en að­eins 24 prósent á Völlunum.

Lokatölur úr Hafnarfirði – Samfylkingin tapaði manni á lokametrunum

Ummæli

Ummæli