fbpx
Miðvikudagur, febrúar 28, 2024
HeimFréttirRauðamelsnáma stækkuð án nokkurrar umræðu í bæjarstjórn

Rauðamelsnáma stækkuð án nokkurrar umræðu í bæjarstjórn

Undir „Hafnarsvæði í Straumsvík“ í fundargerðum hafnarstjórnar, skipulags- og byggingarráðs og bæjarstjórnar í febrúar mátti finna deiliskipulagsbreytingu fyrir Rauðamelsnámu í fylgigögnum í fundargerðum án þess að minnst væri á deili­skipu­lagsbreytinguna í fundargerðinni.

Það er svo ekki fyrr en eftir fyrirspurnir Fjarðarfrétta sem tillaga að deiliskipulagsbreytingu fyrir Rauðamelsnámu er tekin fyrir sem sérstakt málefni á fundi skipulags- og byggingarráðs 23. febrúar þar sem tillagan um að auglýsa framlagða tillögu að deiliskipulagi Rauðamelsnámu og að málsmeðferð verði í samræmi við 37. gr. skipulagslaga. Jafnframt er erindinu vísað til staðfestingar í bæjarstjórn sem staðfesti tillögun án umræðu í bæjarstjórn 1. mars sl.

Framkvæmdasvæðið. Dökk græna línan sýnir nokkurn veginn hvar Raðamelsstígurinn liggur. Sjá má Litla-Rauðamel á myndinni.

Í deiliskipulagstillögunni er reyndar talað á einum stað um efnislosunarsvæði þó verið sé að heimila efnistöku. Ekki eru sögð nein mikilvæg fuglasvæði þarna þó krummi hafi þar laup. Hvergi er getið Litla Rauðamels sem þó er sjálfkrafa friðaður. Einar fornleifar eru sagðar á svæðinu, vörslugarður sem mun þó vera undirhleðsla girðingar sem þarna var gerð af Bjarna Bjarnasyni í Straumi um 1926. Hvergi er heldur getið Óttarsstaðaselsstígsins (Rauðamelsstígs) sem liggur í gegnum fyrirhugað framkvæmdasvæði.

Áður en samþykkt var að auglýsa deiliskipulagið og kalla eftir athugasemdum hefur verið lagður vegarslóði á svæðinu en framkvæmdaleyfi fyrir tilraunaborunum og rannsóknum á svæðinu var veitt 15. desember sl. en lítið sagt um hvað heimilt er að gera og hvað ekki fyrir utan að minnst er á þær skráðar minjar sem þarna finnast.

Framkvæmdaleyfið frá 15. desember 2023

Ummæli

Ummæli

Tengdar greinar
- H1 -

Nýjustu greinar

H2