Skarphéðinn Orri leiðir lista Sjálfstæðisflokksins

Prófkjör Sjálfstæðisflokksins í Hafnarfirði fyrir sveitarstjórnarkosningarnar í vor var haldið sl. laugardag.

Alls greiddu 1.502 skráð sjálfstæðisfólk atkvæði í prófkjörinu. Gild atkvæði voru 1.461 og 41 seðlar voru auðir og ógildir.

Fimmtán manns kost á sér í fyrstu 6 sæti listans og voru úrslit þessi:

1. Skarphéðinn Orri Björnsson hlaut 754 atkvæði í 1. sæti eða 51,6% atkvæða.
2. Kristín María Thoroddsen varð í öðru sæti með 670 atkvæði í 1.–2. sæti eða 45,9%
3. Viktor Pétur Finnsson með 673 atkvæði í 1.–3. sæti eða 46,1%.
4. Guðbjörg Oddný Jónasdóttir með 749 atkvæði í 1.–4. sæti eða 51,3%.
5. Kristinn Andersen með 635 atkvæði í 1.–5. sæti eða 43,5%
6. Helga Björg Loftsdóttir með 676 atkvæði í 1.–6. sæti eða 46,3%.

Leiðtogaslagurinn

Orri og Kristín voru þau einu sem stefndu á 1. sætið en í það fékk Orri 754 atkvæði en Kristín 530 atkvæði. Alls hlaut Orri 968 atkvæði en Kristín 914 atkvæði.

Mismunandi markmið

Árangur Viktors Péturs Finnssonar er athyglisverður en hann er nýr á lista flokksins en á ættir að rekja til eldra Sjálfstæðisfólks. Hann hafði stefnt á 2. sætið og má vel við una með 3. sætið.

Guðbjörg Oddný Jónasdóttir bauð sig fram í 2. sætið en hafnaði í 4. sæti.

Kristinn Andersen, forseti bæjarstjórnar, gaf kost á sér í 3. sæti en hafnaði í 5. sæti.

Eva Björk Harðardóttir bauð sig fram í 3. sætið

Hilmar Ingimundarson bauð sig fram í 3. sætið

Helga Björg Loftsdóttir, varabæjarfulltrúi, bauð sig fram í 3. sætið en hafnaði í 6. sæti.

Örn Geirsson bauð sig fram í 4. sætið en hafnaði í 11. sæti.

Birkir Snær Brynleifsson er 22 ára, fæddur og uppalinn Hafnfirðingur og bauð sig fram í 4.-5. sætið

Einar Páll Þ. Mathiesen bauð sig fram í 4.-5. sætið en hafnaði í 7. sæti

Kristjana Ósk Jónsdóttir bauð sig fram í 4.-6. sæti en endaði í 8. sæti.

Unnur Elín Sigursteinsdóttir bauð sig fram í 4.-6. sæti.

Þórhallur Guðmundsson bauð sig fram í 5. sæti.

Júlíus Freyr Bjarnason stefndi á eitt af 10 efstu sætum og hafnaði í 9. sæti.

Niðurstöður þeirra sem lentu neðar en í 6. sæti var að finna á samfélagsmiðlum.

Sjálfstæðisflokkurinn fékk 4 bæjarfulltrúa í síðustu kosningum.

Ummæli

Ummæli