Sigþrúður Ármann sækist eftir þriðja sæti á D-lista í Kraganum

Sigþrúður Ármann

Sigþrúður Ármann býður sig fram í 3. sæti í prófkjöri Sjálfstæðisflokksins í Suðvesturkjördæmi.

Sigþrúður er lögfræðingur að mennt frá Háskóla Íslands, með MBA gráðu frá Háskólanum í Reykjavík. Hún hefur víðtæka reynslu úr atvinnulífinu. Hún er einn af eigendum og stjórnarformaður framleiðslufyrirtækis í Hafnarfirði og situr auk þess í nokkrum öðrum stjórnum. Hún er einnþ stofnenda og framkvæmdastjóri öflugs umræðuvettvangs er nefnist EXEDRA. Sigþrúður hefur tekið þátt í starfi Sjálfstæðisflokksins í yfir 20 ár. Hún situr í fjölskylduráði Garðabæjar sem jafnframt er barnaverndarnefnd bæjarins. Félagsleg mál, málefni eldri borgara og fatlaðra heyra einnig undir nefndina.

„Grunngildi Sjálfstæðisflokksins eru mér hugleikin, einstaklingsfrelsi og atvinnufrelsi með hagsmuni allra fyrir augum. Öflugt atvinnulíf er forsenda og grundvöllur velferðar á Íslandi. Við sem samfélag þurfum að standa saman og hafa það að sameiginlegu markmiði að byggja upp samfélag sem stuðlar að velferð, lífsgæðum og efnahagslegri sjálfbærni til framtíðar.  Við þurfum að skapa hvetjandi umhverfi fyrir fólk. Þennan hvata má ekki skerða þegar fólk kemst á efri ár. Við þurfum að bjóða upp á gott mennta- og heilbrigðiskerfi. Nýsköpun er mikilvæg sem og góðar samgöngur og innviðir. Við þurfum að stuðla að valfrelsi, lágum sköttum, minni umsvifum í rekstri hins opinbera og útvista verkefnum. Menning og listir skipta máli.“

„Ég hef látið mig jafnréttismálin miklu varða og trúi því að með því að stuðla að jafnrétti er lagður grunnur að velferð einstaklinga, fjölskyldna, atvinnulífs og samfélagsins alls. Reynsla mín og þekking á atvinnulífinu á erindi inn á Alþingi. Nýir tímar kalla á ný vinnubrögð. Alþingi á að vera vettvangur fyrir uppbyggilega og málefnalega umræðu þar sem mótuð er skýr framtíðarsýn. Sem alþingismaður mun ég vinna markvisst að því að efla málefnalega umræðu á milli atvinnulífs og stjórnvalda. Það skiptir máli að rödd atvinnulífsins heyrist á Alþingi,“ segir Sigþrúður Ármann.

Úr tilkynningu

Ummæli

Ummæli

Skilja eftir athugarsemd

Please enter your comment!
Please enter your name here