Opið bókhald Hafnarfjarðar hálflokað vegna gjaldþrots Capacents

Unnið að þjónustusamningi við nýjan aðila

Skjáskot úr opnu bókhaldi Hafnarfjarðarkaupstaðar

Á heimasíðu Hafnarfjarðarbæjar segir að Hafnarfjörður hafi opnað bókhald bæjarins til að auka aðgengi að fjárhagsupplýsingum og skýra ráðstöfun fjármuna sveitarfélagsins á einfaldan og myndrænan máta.

Síðan skiptist í 5 síður, Tekjur og gjöld A- og B- hluta sjóða og greiningu á birgjum sveitarfélagsins. Tekjur og gjöld eru brotin niður á málaflokka, deildir og einstaka bókhaldslykla. Í birgjagreiningu er hægt að leita að einstaka birgjum eða sía þá út eftir kostnaðarstað á málaflokk eða bókhaldslykli.

Í dag er ekki hægt að skoða birgjagreiningu sem er mikilvægur þáttur í gagnsæi í fjárútlátum bæjarins og hnökrar virðast á síðunni.

Gjaldþrota þjónustufyrirtæki

Mæliborðið var unnið í

samstarfi við Capacent en það fyrirtæki var úrskurðað gjaldþrota 3. júní s.l. Var upplýst að öllum gögnum sem félagið hefur haft til varðveislu yrði eytt 15. ágúst nema beiðni hefði komið um annað.

Skv. upplýsingum Rósu Steingrímsdóttur, fjármálastjóra Hafnarfjarðarkaupstaðar, skýrist vöntunin á birgjagreiningu sennilega af truflun vegna gjaldþrots Capacent en segir að unnið sé að því að endurnýja þjónustusamning við nýjan aðila sem ætti að klárast innan fárra vikna.

Ummæli

Ummæli