Nýir veitingastaðir opna brátt í miðbænum

Miklar breytingar á húsnæði í Hafnarborg og í Firði

Helgi Sverrisson einn af eigendum á nýjum veitingastað í Firði

Ekki er komið nafn á nýjum veitingastað sem mun opna á 2. hæð í Firði og er í eigu Árna Björns Ómarssonar, Helga Sverris­sonar og Ketils Sigurðssonar.

Miklar breytingar standa yfir í húsnæðinu og m.a. er búið að fjarlægja spilakassana sem þar var en áfram mun staðurinn njóta hins glæsilega útsýnis yfir höfnina.

Að sögn Helga Sverrissonar verður þetta glæsilegur matsölustaður með íslensk/miðevrópsku ívafi og er stefnt að því að opna nálægt mánaðar­mótunum apríl-maí.

Nýr veitingastaður í Hafnarborg

Krydd er nafnið á nýjum veitingastað sem verður opnaður í Hafnarborg í maí.

Yfirkokkur verður Hilmar Þór Harðarson en með honum eiga staðinn Hulda Heiðrún Óladóttir, Signý Eiríksdóttir, Jón Tryggvason, Geirþrúður Guttormsdóttir og Hafsteinn Hafsteinsson.

Þegar hafa töluverðar breytingar verið gerðar í Hafnarborg. Mynd af Fb síðu Krydds.

Krydd verður með hádegis- og kvöld­verðarseðil og eldhúsið verður opið frá 12 til 22 en barinn og staðurinn verða opnir lengur. Veitingageirinn greindi frá.

Facebook síða Krydds

 

Ummæli

Ummæli