fbpx
Sunnudagur, apríl 14, 2024
target="_blank"
HeimFréttirLokað í þjónustuveri og sundlaugum vegna verkfalls

Lokað í þjónustuveri og sundlaugum vegna verkfalls

Þjónustuver og sundlaugar Hafnarfjarðarbæjar eru lokaðar frá og með deginum í dag vegna vinnustöðvunar starfsfólks í Starfsmannafélagi Hafnarfjarðar.

Verkfall í þjónustuverinu í Ráðhúsinu stendur yfir til 5. júlí nk. verði ekki samið á tímabilinu.

Lokun nær líka til símsvörunar þjónustuvers, netspjalls á vef bæjarins og svörunar í gegnum samfélagsmiðla.

Sjálfsafgreiðsla á vef og í anddyri Ráðhúss

Anddyri Ráðhúss Hafnarfjarðar verður opið og þar geta gestir, sem eiga bókað viðtal eða fund í húsi, skráð komu sína gegnum móttökuskjá. Vakin er sérstök athygli á því að ekki verður tekið á móti teikningum í þjónustuveri á meðan á verkfalli stendur. Í neyðartilfellum er hægt er að setja bréf eða minni sendingar í afgreiðslukassa í anddyri en íbúar og aðrir hvattir til að nýta aðrar boðleiðir. Ábendingagátt Hafnarfjarðarbæjar er opin en vinnustöðvun mun hafa áhrif á svörun og vinnslu ábendinga. Þjónustumiðstöð mun áfram annast svörun ábendinga er varðar þeirra verkefni og verksvið. Sviðsstjóri þjónustu- og þróunarsviðs, Sigurjón Ólafsson, er eini starfandi starfsmaður þjónustuvers Hafnarfjarðarbæjar í verkfallinu.

Nýjar upplýsingar verða gefnar út á miðlum bæjarins um leið og þær liggja fyrir.

Sundlaugarnar lokaðar þar til verkfall leysist

Sundlaugarnar í Hafnarfirði verða lokaðar þar til samningar nást vegna vinnustöðvunar starfsfólks sundlauganna í Starfsmannafélagi Hafnarfjarðar.

Öll starfsemi í sundlaugum fellur niður á meðan verkfall stendur yfir. Verkfallið er ótímabundið og því liggur ekki fyrir hversu lengi sundlaugarnar verða lokaðar.

Opið í Ásmegin og GYM heilsu í Ásvallalaug

Opið verður alla virka daga í sjúkraþjálfuninni Ásmegin og í GYM heilsu í Ásvallalaug. Búningsklefar GYM heilsu verða þó lokaðir á meðan verkfalli stendur.

Lokað verður í GYM heilsu í Suðurbæjarlaug á meðan verkfalli stendur.

Forstöðumaður sundlauganna, Aðalsteinn Hrafnkelsson, er eini starfandi starfsmaður sundstaða Hafnarfjarðarbæjar í verkfallinu.

Ummæli

Ummæli

Tengdar greinar
- H1 -

Nýjustu greinar

H2