Kaupa 30% hlut í Dverg á 120 milljónir kr.

Fasteignamat eignarhlutans er 73,7 millj. en Hafnarfjarðarbær staðgreiðir 120 milljónir kr.

Lækjargata 2 sem Dvergur hf. byggði á sjöunda áratugi síðustu aldar.

Bæjarráð samþykkti í morgun að kaupa eignarhluta Sjónvers ehf. í Lækjargötu 2, þar sem Dvergur hf., Flygering & Co var áður til húsa. Kaupverðið er 120 milljónir kr. sem greitt er í einu lagi við undirritun kaupsamnings. Bæjarráð samþykkti einnig viðauka við fjárhagsáætlun þessa árs þar sem ákveðið er að nota 120 millj. kr. af upphæð sem verja átti til uppbyggingar á grunnskóla í Skarðshlíð en áætlað er að framkvæmdir sem áætlaðar voru á þessu ári verði ekki fyrr en á næsta ári.

Fasteignamat eignarhlutans er aðeins 73,65 millj. kr. og brunabótamatið 94,35 milljónir kr. Húsnæðið er í lélegu ásigkomulagi enda hefur viðhald þess verið nánast ekkert í fjölmörg ár.

Hafnarfjörður hefur keypt þennan hluta Dvergs og á því húsið allt.
Hafnarfjörður hefur keypt þennan hluta Dvergs og á því húsið allt.

Eignarhlutarnir sem Hafnarfjörður kaupir eru vesturendi hússins, 237 m² á jarðhæð, skráð sem iðnaðarhúsnæði auk 90 m² skrifstofuhúsnæðis og 344,7 m² skrifstofuhúsnæði á 2. hæð.  Húsið allt er 2.221 m² að stærð á þremur hæðum og seldur eignarhlutur því um 30% af eigninni.

Til stendur að rífa húsið og byggja á svæðinu en haldin var samkeppni um nýtingu á lóðinni fyrir nokkrum árum.

Er þetta endanleg ákvörðun þar sem bæjarstjórn er farin í sumarfrí.

Ljósmyndir: Guðni Gíslason

Ummæli

Ummæli