Ísbúðin Skúbb opnuð á Bæjarhrauninu á morgun

„Við boðum yður fögnuð,“ segja eigendur Skúbb ísgerðar sem opna nýja Skúbb ísbúð að Bæjarhrauni 2.

Hugmyndin á bakvið Skúbb er að gera handgerðan ís frá grunni með bestu vörum sem völ er á og velja alltaf lífrænt og aukaefnalaust ef hægt er. „Við notum aðeins lífræna mjólk frá Bíó Bú. Úrvalið okkar samanstendur af handgerðum ís, íslokum, ís refum, ís sósum, ístertum, smákökum, toppings og fleira. Við notum alvöru hráefni við gerð íssins sem gerir bragðið ósvikið, ferskt og engu líkt“, segir Jóhann Friðrik Haraldsson, yfirsmakkari hjá Skúbb. Ekki amalegur starfstitill það.

„Við leggjum áherslu á að bjóða upp á gott vegan úrval og höfum þróað fjölmargar tegundir af vegan ís. Brauðformin okkar eru alltaf vegan og við leitumst eftir því að bjóða upp á vegan útgáfur af öllum okkar vörutegundum,“ segir Jóhann og bætir við að hann hlakki til að opna nýju ísbúðina kl. 12 á morgun, laugardag.

„Hlökkum til að sjá ykkur og að geta boðið ykkur upp á Skúbb Ís og Skúbb Skálar,“ segir Jóhann í skilaboðum til Hafnfirðinga.

Ummæli

Ummæli