Héðinn efstur á Íslandsmótinu í skák

Mótið er haldið við bestu aðstæður í Hafnarfirði

Héðinn Steingrímsson teflir við Hannes Hlífar Stefánsson.

Héðinn Steingrímsson held­­­ur áfram á sigurbraut á Íslands­­mótinu í skák sem fram fer í Hraunseli við Flatahraun. Í sjöttu umferð í gær vann hann Hannes Hlífar Stefánsson með mjög góðri endatafltækni.

Tíu keppendur eru á Íslandsmótinu í Hafnarfirði

Héðinn hefur 5½ vinning. Guðmundur Kjartansson er hins vegar ekk­ert á því að sleppa honum langt frá sér og er aðeins hálfum vinningi á eftir Héðni. Baráttan virðist ætla að standa á milli Íslandsmeistaranna frá 2015 og 2014 en þeir munu mætast í lokaumferðinni á laugardaginn.

Dagur Ragnarsson er þriðji með 4 vinning eftir öruggan sigur á Bárði Erni Birkissyni.

Heima­maður­inn Sigurbjörn Björnsson stöðvaði sigurgöngu Björns Þorfinnssonar og er nú í 5. sæti af 11.

Eina jafntefli umferðarinnar gerðu Vignir Vatnar Stefánsson og Davíð Kjartansson.

Vignir Vatnar Stefáns­son er yngstur kepp­enda, aðeins 14 ára gamall en hann er nú í 7.-8. sæti.

Keppt er við kjöraðstæður, bæði fyrir keppendur og áhorfendur í Hraunseli við Flatahraun. Frídagur er í dag en sjöunda umferð verður tefld á morgun, fimmtudag kl. 17. Keppni hefst einnig kl. 17 á föstudag en lokaumferðin hefst kl. 13 á laugardag.

Áhugafólk um skák er velkomið að mæta og fylgjast með.

1. Héðinn Steingrímsson (2562) 5½ v.
2. Guðmundur Kjartansson (2437) 5 v.
3. Dagur Ragnarsson (2320) 4 v.
4. Björn Þorfinnsson (2407) 3½ v.
5. Sigurbjörn Björnsson (2268) 3 v.
6. Hannes Hlífar Stefánsson (2566) 2½ v.
7.-8. Davíð Kjartansson (2389) og Vignir Vatnar Stefánsson (2334) 2 v.
9. Guðmundur Gíslason (2336) 1½ v.
10. Bárður Örn Birkisson (2162) 1 v.

Ummæli

Ummæli

Skilja eftir athugarsemd

Please enter your comment!
Please enter your name here