fbpx
Þriðjudagur, júní 25, 2024
HeimFréttirHækkanir fari úr 9,9% í 3% að jafnaði frá 1. maí

Hækkanir fari úr 9,9% í 3% að jafnaði frá 1. maí

Bæjarráð samþykkti á fundi sínum sl. fimmtudag að gjaldskrárhækkanir, sem námu að jafnaði 9,9% fyrir árið 2024 verði endurskoðaðar og hækki ekki meira en sem nemur 3%.

Þær breytingar eiga þó ekki að taka gildi fyrr en 1. maí með þeim fyrirvara að samningar við starfsmenn sveitarfélaga verði í takti við þá samninga sem undirritaðir hafa verið á almennum vinnumarkaði.

Reiknað er með að með þessum breytingum verði sveitarfélagið af 36 milljón kr. tekjum en þá er ekki reiknað með mögulegri lækkun verðbólgu vegna kjarasamninganna þar sem skilyrði er að sveitarfélögin  takmarki hækkanir gjaldskrár.

Bæjarfulltrúar Samfylkingar höfðu lagt fram breytingartillögu við tillögu fulltrúa Sjálfstæðisflokks og Framsóknar og vildu að breytinging tæki gildi  1. apríl nk. og væri án fyrirvara um að samningar við starfsmenn sveitarfélaga verði í takti við þá samninga sem undirritaðir hafa verið á almennum vinnumarkaði. Var sú tillaga felld.

Í tilkynningu frá samskiptastjóra Hafnarfjarðarbæjar er eftirfarandi haft eftir Rósu Guðbjartsdóttur bæjarstjóra: „Hafnarfjarðarbær leggur sitt af mörkum til að nást megi þjóðarsátt í langtíma kjarasamningum með endurskoðun gjaldskrár eins og sveitarfélagið boðaði sl. haust,“ segir Rósa Guðbjartsdóttir bæjarstjóri Hafnarfjarðar. „Við fögnum þeim kjarasamningum sem gerðir hafa verið og leggjum áherslu á að með sameiginlegu átaki megi ná niður vöxtum og verðbólgu. Það er fjölskyldunum, fyrirtækjunum og öðrum til mikilla hagsbóta.“

Ummæli

Ummæli

Tengdar greinar
- H1 -

Nýjustu greinar

H2