Gunnar Svavarsson ráðinn framkvæmdastjóri Nýs Landspítala

Var einn níu umsækjenda

Gunnar Svavarsson

Nýr Landspítali ohf. auglýsti þann 23. apríl sl. eftir framkvæmdastjóra. Alls bárust 12 umsóknir en þrír umsækjendur drógu umsóknir sínar til baka.

Stjórn Nýs Landspítala ohf. ákvað á fundi sínum 23. júní sl. að ráða Gunnar Svavarsson sem framkvæmdastjóra félagsins.

Gunnar er vélaverkfræðingur frá Háskóla Íslands. Hann stofnaði og var framkvæmdastjóri Aðalskoðunar hf. um árabil og sat á Alþingi um tveggja ára skeið og var þá meðal annars formaður fjárlaganefndar. Þá starfaði Gunnar í sveitarstjórnarmálum á annan áratug og var bæjarfulltrúi í Hafnarfirði fyrir Samfylkinguna. Undanfarin sjö ár hefur hann verið sjálfstætt starfandi ráðgjafi og sinnt stjórnar- og rekstrarstörfum m.a. við verkefnið um Nýjan Landspítala auk fjölmargra annarra stjórnunarverkefna fyrir einka- og opinbera aðila.

Laun vegna starfsins eru ákvörðuð af kjararáði í samræmi við lög um kjararáð nr. 47/2006.

Eftir aðalfund Nýs Landspítala ohf. sl. miðvikudag er stjórn félagsins þannig skipuð: Erling Ásgeirsson, stjórnarformaður, Dagný Brynjólfsdóttir og Hafsteinn S. Hafsteinsson.

Stjórn og framkvæmdastjóri NLSH; efri röð f.h.: Gunnar Svavarsson, Hafsteinn S.Hafsteinsson. Dagný Brynjólfsdóttir og Erling Ásgeirsson stjórnarformaður.
Stjórn og framkvæmdastjóri NLSH; efri röð f.h.: Gunnar Svavarsson, Hafsteinn S.Hafsteinsson.
Dagný Brynjólfsdóttir og Erling Ásgeirsson stjórnarformaður.

Ummæli

Ummæli

Skilja eftir athugarsemd

Please enter your comment!
Please enter your name here