Flugeldasýning sem verslunarmiðstöðin Fjörður bauð upp á kl. 19 í gær þegar tendrað hafði verið á jólatrénu á Thorsplani, hreinlega tæmdi jólaþorpið enda þyrptust bæjarbúar að Fjarðargötunni til að fylgjast með. Félagar í Björgunarsveit Hafnarfjarðar skutu upp flugeldum af strandstígnum sem lýstu upp himininn og húsin í kring til gleði fyrir þá sem fylgdust með.
Ljósmyndari Fjaðrarfrétta var að sjálfsögðu á staðnum og myndaði ljósadýrðina.
