Fjölbreytt tónlist á Svæðistónleikum Nótunnar

Um 40 nemendur Tónlistarskóla Hafnarfjarðar taka þátt.

Þau munu spila á svæðistónleikunum.

Í dag, laugardaginn 16. mars, verða Svæðistónleikar Nótunnar, uppskeruhátíðar tónlistarskólanna haldnir í Salnum Kópavogi. Fjölmargir nemendur úr Tónlistarskóla Hafnarfjarðar koma þar fram en þeir voru valdir til að spila fyrir hönd skólans á valtónfundi sem fram fór þann 28. febrúar. 13 tónlistaratriði voru þar skráð og voru 5 þeirra valin áfram. Á tónleikum koma einnig fram nemendur frá tónlistarskólum í Kraganum, Suðurlandi og á Suðurnesjum.

Tónleikar kl. 12
Fyrir hönd Tónlistarskóla Hafnarfjarðar: Sóley Arna Arnarsdóttir og Valgerður Bára Baldvinsdóttir á gítar með lagið Milonga eftir T. Tisserand í flokknum grunnnám.

Bjarnar Jón Sigþórsson og Bjarki Þór Ólafsson á gítar, Dagur Máni Vikarsson á altblokkflautu, Steinunn Björg Agnarsdóttir á bassablokkflautu og Margrét Bo Wan Waage Reynisdóttir á óbó með lögin Á sólríkum degi eftir Giovanni Gastoldi og Komum og spilum eftir Malchior Franck í flokknum grunnnám.

Tónleikar kl. 14
Sinfóníuhljómsveit tónlistarskólans með lagið Mambo úr West Side Story eftir L. Bernstein í opnum flokki.

Guðrún Herdís Arnarsdóttir og Ingunn Káradóttir þverflautu og Steinar Ari Kristmundsson píanó með verkið Rondo op. 25 eftir Franz Doppier í flokknum framhaldsnám.

Ásdís Birta Guðnadóttir klarinett með frumsamið einleiksverk sem heitir Merluzzo í flokknum frumsamið efni.

Lokaathöfn og afhending viðurkenninga verður svo kl. 16.

Kynnir á tónleikunum er Eiríkur Stephensen skólastjóri Tónlistarskóla Hafnarfjarðar og í svæðisstjórn situr Stefán Ómar Jakobsson aðstoðarskólastjóri tónlistarskólans.

Aðalkeppni Nótunnar fer síðan fram í Hofi á Akureyri 6. apríl. Fjölbreytt efnisskrá. Allir hjartanlega velkommnir. Nánari upplýsingar um Nótuna er á finna á ki.is/notan/

Ummæli

Ummæli