Eldur í bílskúr á Álfaskeiði

Með aðstoð nágranna tókst að slökkva mesta eldinn

Ekki er vitað hversu miklar skemmdir urðu en húshlutinn er í byggingu

Mikill svartur reykur steig til himins yfir Álfaskeiði á öðrum tímanum í dag. Kviknað hafði í plasteinangrun í viðbyggingu sem inniheldur m.a. bílskúr. Unnið hafði verið við að bræða saman tjörupappa með gasloga og líklegast er að þannig hafi náðst að kvikna í einangruninni.

Kallað var eftir aðstoð slökkviliðs en íbúar með aðstoð nágranna réðust gegn eldinum með garðslöngum og var eldurinn að mestu slökknaður þegar slökkvið kom. Slökkviliðið slökkti svo í öllum glæðum, reykræstu og tryggðu að eldur kviknaði ekki aftur.

Mildi er að eldur komst ekki í gaskúta sem voru í bílskúrnum og á þaki hans.

u

 

Ummæli

Ummæli