Brynja hússjóður vill 135 milljón kr. framlag

Sækir um styrk vegna skorts á leiguhúsnæði sbr. lög um almennar íbúðir

Hafnarfjörður. Ljósmynd: Guðni Gíslason

Brynja, hússjóður Öryrkjabandalagsins hefur sótt um 12% stofnstyrk og 4% viðbótarframlag vegna skorts á leiguhúsnæði sbr. lög um almennar íbúðir vegna kaupa og byggingar á íbúðum í Hafnarfirði árin 2016 og 2017.

Er þetta vegna kaupa á 3 íbúðum á þessu ári fyrir 105 millj. kr. og kaupa og byggingu á 15 íbúðum árið 2017 fyrir 525 millj. kr. og vegna byggingu raðhúsa við Hnoðravelli sem kosta munu 215 millj. kr.

Samtals fer Brynja hússjóður því fram á 135,2 millj. kr. framlag frá Hafnarfjarðarbæ.

Bæjarráð fól bæjarstjóra að vinna áfram í málinu og afla upplýsinga frá umsækjanda.

Ummæli

Ummæli