Leit lögreglunnar að Almari Yngva Garðarssyni, sem lýst var eftir í gær, hefur enn engan árangur borið.
Almar Yngvi er 29 ára, 190 cm á hæð, grannur, dökkhærður og með skeggrót. Hann er sennilega klæddur í hvíta hettupeysu, svörtu 66 vesti og gráum íþróttaskóm.
Síðast er vitað um ferðir hans í Hafnarfirði milli kl. 02 og 03 aðfararnótt sunnudags.
Almar gæti verið á bifreiðinni HUX90 sem er grár Chevrolet Spark bílaleigubíll. Þeir sem geta gefið upplýsingar um ferðir Almars eru beðnir um að hafa strax samband við lögregluna í síma 112.
Björgunarsveitir á höfuðborgarsvæðinu, Suðurnesjum, Suðurlandi og Vesturlandi hafa verið kallaðar út til aðstoðar, auk Landhelgisgæslunnar.
