Átta ára drengur lést í umferðarslysi á Ásvöllum síðdegis í gær.
Tilkynning um slysið barst kl. 17.10 og héldu viðbragðsaðilar strax á vettvang, en slysið varð við Ásvelli, við bifreiðastæði á milli Ásvallalaugar og íþróttahúss Hauka.
Drengurinn var þar á reiðhjóli þegar hann varð fyrir steypubíl.
Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins.