Taktu með fisk dagsins frá einum besta sjávarréttastað landsins

Tilveran, einn elsti veitingastaður Hafnarfjarðar býður fólki að taka matinn með heim

Veitingahúsið Tilveran er af mörgum talið eitt best geymda leyndarmál Hafnarfjarðar. Staðurinn fær glæsilega dóma á Tripadviser. Fjölmargir erlendir gestir hafa skrifað afar jákvæða dóma um staðinn og nýlega skrifaði Breti nokkur að þar hafi hann fengið bestu máltíð sem hann nokkurn tíma hafi borðar á ferðlögum sínum um heiminn!

Gísli Dan Gíslason, veitingamaður í Tilverunni, hefur með metnaði sínum gert staðinn að einum besta sjávarréttastað landsins en hann tók við rekstri hans árið 2006 en veitingahúsið var stofnað haustið 1992.

Nú þegar COVID-19 veikin herjar á heimsbyggðina og gerð er krafa um 2 metra á milli fólks og hámark 20 manns í hverju rými býður Gísli upp á nýja þjónustu, að fólk taki með sér matinn heim.

Enginn verður svikinn af fiski dagsins á Tilverunni

Býður hann m.a. fisk dagsins á 2.500 kr. en hægt er að panta í síma 565 5250.