Loftorka bauð lægst í malbiksviðgerðir á höfuðborgarsvæðinu

Vegagerðin bauð nýlega út viðgerðir á malbikuðum slitlögum á höfuðborgarsvæðinu árin 2020-2022 og voru tilboð opnuð 3. mars sl.

Helstu magntölur voru 1.050 m² viðgerð með íkasti og 3.000 m² viðgerð með fræsun. Áætlaður verktakakostnaður var um 83,4 millj. kr. en Loftorka Reykjavík ehf. sem staðsett er í Garðabæ, bauð lægst, 50,9 millj. kr. eða 61,1% af áætlun.

Malbikunarstöðin Hlaðbær Colas hf. í Hafnarfirði bauð hæst, 89,9 millj. kr. eða 7,8% yfir kostnaðaráætlun.

PK-verk ehf. í Hafnarfirði bauð 69,6 millj. kr. 83,4% af kostnaðaráætlun.