Íbúa- og vinnufundur um endurskoðun deiliskipulags miðbæjarins

Haldinn í Hásölum þriðjudaginn 19. nóvember kl. 17-19

Miðbær Hafnarfjarðar

Boðað er til opins íbúa- og vinnufundar vegna fyrirhugaðrar endurskoðunar á deiliskipulagi miðbæjar í Hásölum Hafnarfjarðarkirkju á þriðjudaginn  kl.17-19.

Á fundinum verður farið yfir helstu áhersluatriði skýrslu starfshóps miðbæjarskipulagsins og hvernig þau samræmast þeim athugasemdum og ábendingum sem íbúar hafa þegar komið á framfæri.

Hvatt er til þess að fundargestir gefi sér tíma til að taka þátt í opinni vinnustofu er snýr að framtíðarsýn miðbæjarins. Þar verður leitað svara við t.a.m. hvar og hvernig íbúar vilja sjá þéttingu byggðar innan miðbæjarkjarnans, bílastæði, græn svæði og framtíðar ásýnd götumynda.

Kaffi og kleinur í boði hússins.