Jólatónleikar Kvennakórs Hafnarfjarðar verða haldnir fimmtudaginn 4. desember kl. 20.
Tónleikarnir verða í Hásölum og bera yfirskriftina „Nú koma jól“.
„Nú líður senn að lokum Kvennaárs 2025 og eins og á vortónleikum kórsins verður kvenkyns laga- og textahöfundum gert hátt undir höfði þegar horft er til lagavals. Þar má finna nöfn höfunda eins og Ragnhildar Gísladóttur og Vigdísar Hafliðadóttur sem sóma sér vel með perlum Jórunnar Viðar og Ingibjargar Þorbergs. Eins og oft áður hefur Sara Gríms, stjórnandi kórsins, útsett mörg laganna,“ segir í tilkynningu frá kórnum.
Meðleikari á píanó verður Aðalheiður Þorsteinsdóttir og Kristrún Helga Björnsdóttir eykur á jólastemmninguna með ljúfum flautuleik. Stjórnandi er Sara Gríms,
Miðar verða seldir við innganginn en frítt er fyrir börn 12 ára og yngri.
