Það skortir oft á skýr fylgiskjöl með fundargerðum í ráðum og nefndum Hafnarfjarðarbæjar. Reyndar þurfa lesendur oft að leggja sig fram til að átti sig á aðalatriðum.
En með fundargerð bæjarráðs í síðustu viku, um fjárhagsáætlun Hafnarfjarðarkaupstaðar og fyrirtækja hans 2026 og 2027-2029, var ansi sérstakt fylgiskjal.
Þar er birt mynd af gróðuhúsi aftan við Strandgötu 4, við hlið Bæjarbíós. Er skjalið merkt „Vidbygging_Rosa-2-2_1920x1427px“.
Hvergi er minnst á þessa „viðbyggingu“ í fundargerðinni og við einfalda leit á vef bæjarins fannst ekkert um þetta mál. Ekkert kemur fram um það hvort þarna hafi fyrrum bæjarstjóra verið kynnt hugmynd um viðbyggingu við hús í eigu Hafnarfjarðarbæjar og á hvers vegum.
Veistu eitthvað um málið?
Hafðu þá samband við Fjarðarfréttir, fjardarfrettir@fjardarfrettir.is
