Vinna er nú hafin hjá Skattrannsóknarstjóra við frekari greiningu gagna sem bárust um greiðslur frá AirBnB til íslensxkra skattþegna á árunum 2015-2018. Í framhaldinu verður metið hvort þörf er á frekari aðgerðum af hálfu embættisins.
Í lok árs 2018 óskaði skattrannsóknarstjóri eftir gögnum frá Airbnb á Írlandi um fasteignir leigðar til útleigu á Íslandi í gegnum bókunarvefinn.
Með aðstoð írskra skattyfirvalda hafa embættinu nú borist gögn og upplýsingar um greiðslur til íslenskra skattþegna.
Skv. upplýsingunum hafa greiðslur að fjárhæð kr. 25,1 milljarður vegna áranna 2015-2018 borist frá AirBnb.
