Ljósmynd: Guðni Gíslason
Fjölmargir fylgdust með þegar þyrla Landhelgisgæslunnar sveimaði yfir ytri höfninni í Hafnarfirði strax eftir hádegi í dag. Voru nokkrar vangaveltur um það hvað hafi gerst en stór björgunarbátur var á sjónum, og minni gúmmíbátar auk þess sem sjá mátti fólk í sjónum.
Engin hætta var þó á ferð því hér var Landhelgisgæslan að æfa björgun fólks úr sjónum og tóku þátt skipverjar á skemmtiferðaskipinu L‘Austral sem lá við bryggju í Hafnarfirði.
Ljósmynd: Guðni Gíslason
Gríðarleg fjölgun skemmtiferðaskipa hér við land hefur kallað á sérstakar æfingar og eru þær gerðar með jöfnu millibili.
Eftir að hafa sótt fólk úr björgunarbátum kom þyrlan aftur og sótti fólk sem var í sjónum og lenti með það við hlið skemmtiferðaskipsins.
Ummæli
