Mikill sinubruni í landi Óttarsstaða

Sinubrunar á Hvaleyrinni á sama tíma

485
Barist við sinubruna við Óttarsstaði

Mikill sinubruni var í dag í landi Óttarsstaða og hefur Slökkvilið Höfuðborgarsvæðisins haft mikinn viðbúnað á svæðinu og hefur verið barist við eldinn með vatni úr tankbílum og slökkvibílum auk þess sem notast er við klöppur og skóflur til að slökkva eldinn.

Slökkvistarfi var ekki lokið þegar þetta er skrifað kl. 14.50.

Sinubruni í landi Óttarsstaða. Eldurinn hefur kviknað til vinstri á myndinni við bílastæðin.

Gamall uppgerður bær stendur á landinu það hefur tekist að forða því að eldur bærist í bæinn en brunnið hefur allt í kringum hann sem hlýtir að vera mesta mildi.

Giftusamlega tókst að fora því að eldur læstist í bæinn Óttarsstaði.

Nokkur vindur er á svæðinu, norðaustlægur, svo reykurinn hefur ekki legið yfir byggð.

Eldurinn hefur brunnið allt í kringum bæinn Eyðikot.

Eldurinn hefur komið upp skammt frá bílastæðum austan við Óttarsstaði og skv. óstaðfestum heimildum Fjarðarfrétta er talið að skólahópur hafi verið þarna á ferð og verið með einhvers konar blys. Greinilegt er að eldurinn hefur komið upp örfáum metrum frá bílastæðinu. Uppfært: Staðfest hefur að þarna var á ferð skólahópur frá Menntaskólanum í Kópavogi.

Sinubruni í landi Óttarsstaða. Eldurinn hefur kviknað til vinstri á myndinni við bílastæðin.
Horft suðvestur yfir svæðið
Giftursamlega tókst að fora því að eldur læstist í bæinn Eyðikot.
Barist við eldinn
Mikinn þykkan reyk lagði frá svæðinu. Eldurinn skemmdi bíl sem sjá má vinstra megin á myndinni.
Eldurinn hefur brunnið allt í kringum bæinn.
Óttarsstaðaland
Fremst á myndinni má sjá hvar eldurinn kviknaði.

Nokkrir sinubrunar á golfvelli

Lögreglan hafði afskipti af sinubruna á golfvelli Keilis.

Á sama tíma fór lögregla að golfvelli Keilis á Hvaleyrinni en þar logaði í sinu og hafði greinilega logað á nokkrum stöðum. Þar er ekki mikil sina og greinilegt var að þar tókst að hefta eldinn en ekki er vitað hvers vegna þarna logaði.

Tveir flákar sem höfðu brunnið á golfvellinum.
Svört sina eftir bruna á golfvellinum og sinubruninn á Óttarsstaðalandinu í fjarska.

Ummæli

Ummæli