Grunnskólahátíðin er hápunktur í félagslífi unglingadeilda grunnskóla bæjarins á hverju ári. Hátíðin var haldin sl. miðvikudag og hófst með leiksýningum frá öllum grunnskólunum í Gaflaraleikhúsinu. Þar var troðfullt hús og atriðin fjölbreytt og skemmtileg en alls voru sýningarnar þrjár.
Um kvöldið var svo slegið upp balli í Íþróttahúsinu við Strandgötu þar sem sigurvegararnir úr söngkeppni félagsmiðstöðvanna komu fram. Dj Darri T kom einnig fram og svo Páll Óskar. Emmsjé Gauti var svo síðastur á svið og var ekki annað sjá en unglingarnir hafi skemmt sér hið besta en allir fengu rútufar heim að loknu ballinu.
