Nýr örmjór traktor mokar snjó af gangstéttum

Átak gert í að snjómokstur á gang- og hjólastígum í Hafnarfirði

79
Nýi traktorinn við mokstur í miðbænum
Trakorinn er mjög mjór og kemst því víða

Átak hefur verið gert í að bæta snjómokstur á stígum og gangstéttum í bænum. Keyptur hefur verið nýr traktor sem hentar afskaplega vel á mjórri stíga og þarf ekki að sveigja frá við hindranir eins og nýrri tæki. Traktorinn er af gerðinni McCormick og er aðeins um 130 cm á breidd. Kom hann í staðinn fyrir traktor af 1991 árgerð. Er nýi traktorinn með sanddreifara aftan á og öflugri snjótönn að framan sem ökumaður getur stillt á alla vegu úr sæti sínu.

Fyrir á Hafnarfjarðarbær tvo traktora til nota á stígum en þeir eru töluvert breiðari og er stefnt að því að endurnýja annan þeirra, vonandi á þessu ári.

Hafnarfjarðarbær bauð út snjómokstur á hjóla- og göngustígum og var samið við verktaka um mokstur á helstu leiðum. Segir Guðjón Steinar Sverrisson verkstjóri hjá Hafnarfjarðarbær nýja fyrirkomulagið breyta miklu til batnaðar og eigi að auka þjónustu við gangandi og hjólandi vegfarendur. Starfsmenn bæjarins hafi aðeins sinnt snjómokstri á göngu- og hjólastígum í dagvinnu en nú sé hægt að kalla út verktaka þegar þörfin er mest.

Á símanum má sjá hvar snjómoksturstækin hafa farið

Fylgst með öllum tækjum

Búnaður er settur í öll snjóruðningstæki svo umsjónarmenn snjómoksturs geta nú séð í farsímanum sínum hvar hvert tæki er og hvar þau hafa farið. Þetta léttir mjög alla umsjón og yfirsýn.

 

 

Ummæli

Ummæli