FH-ingar urðu í kvöld Íslandsmeistarar í knattspyrnu karla í áttunda sinn á þrettán árum. FH liðið lék ekki í dag en eina liðið sem átti möguleika á að ná þeim að stigum, Breiðablik, gerði jafntefli í dag og á því ekki lengur möguleika á titlinum.
Því er ljóst að FH er Íslandsmeistari annað árið í röð og í áttunda sinn á þrettán árum. FH hefði getað tryggt sér titilinn á heimavelli um helgina en fyrrum þjálfari FH, Ólafur Jóhannesson þjálfari Vals og lærisveinar hans gerðu jafntefli við FH.
