Fjarðarfréttir

Ritstjórn og auglýsingar:
Guðni í s. 896 4613, fjardarfrettir@fjardarfrettir.is

Fjarðarfréttir er nýr fréttavefur Hafnfirðinga og fréttablað, en nafnið á sér langa sögu.

Fjardarfrettir_logo-152

Fjarðarfréttir kom út sem fréttablað, fyrst árið 1969, og var stofnað af kennurum í Öldutúnsskóla þeim Guðmundi Sveinssyni, Hauki Helgasyni, Ólafi Proppé, Rúnari Brynjólfssyni og Sigurði Símonarsyni. Árið 1983 gáfu útgefendur Fjarðarfrétta, þeir Guðmundur Sveinsson, Ellert Borgar Þorvaldsson og Rúnar út Fjarðarpóstinn sem fyrst kom út hálfsmánaðarlega en Fjarðarfréttir komu áfram út nokkrum sinnum á ári sem veglegt tímarit.

Fjarðarfréttir fór í loftið kl. 13:13, föstudaginn 1. júlí 2016

Útgefandi er Hönnunarhúsið ehf., fyrirtæki í eigu Guðna Gíslasonar sem á rætur að rekja til 1990 og ávallt verið starfandi í Hafnarfirði.

Guðni Gíslason ritstjóri
Guðni Gíslason ritstjóri

Fjarðarfréttum er ætlað að flytja fjölbreyttar fréttir til Hafnfirðinga og af Hafnfirðingum. Ritstjóri þess er Guðni Gíslason sem hefur langa reynslu af blaðaútgáfu og fréttaskrifum, sem ritstjóri Fjarðarpóstsins frá 2001 og þar áður sem ritstjóri Skátablaðsins í 10 ár og ritstjóri og útgefandi tímaritsins Ljóss. Einnig hefur hann ritstýrt vefjum fyrir félagasamtök í áratugi.

Fjarðarfréttir – fréttablað

Fjarðarfréttir munu einnig koma út sem vikulegt fréttablað á fimmtudögum frá 18. ágúst 2016. Er því dreift með Íslandspósti inn á öll heimili og fyrirtæki í Hafnarfirði. Blaðið verður undir sömu ritstjórn og fréttavefurinn og munu miðlarnir starfa samhliða.